Chakbast Brij Narayan
ham sochte hain raat men taron ko dekh kar
sham.en zamin ki hain jo daagh asman ke hain
jannat men ḳhaak bada-paraston ka dil lage
naqshe nazar men sohbat pir-e-mughan ke hain
apna maqam shaḳh-e-burida hai baagh men
gul hain magar sata.e hue baghban ke hain
ik silsila havas ka hai insan ki zindagi
is ek musht-e-ḳhak ko gham do-jahan ke hain
Leave a Reply