Zulmat Aisi Ki Sujhai Nahin Deta Kuchh Bhi

zulmat aisī ki sujhā.ī nahīñ detā kuchh bhī

nuur itnā ki dikhā.ī nahīñ detā kuchh bhī

ḳhāmushī kī vo ḳhalā lafz laboñ se gir jaa.eñ

shor itnā ki sunā.ī nahīñ detā kuchh bhī

ek hamdard ne phir luuT lī dil kī bastī

dil vo ḳhūgar ki duhā.ī nahīñ detā kuchh bhī

bar-sar-e-rāh bhī gulzār khile haiñ kitne

dhun meñ manzil kī dikhā.ī nahīñ detā kuchh bhī

dasht se daulat-e-sayyāl milī auroñ ko

ham ko juz ābla-pā.ī nahīñ detā kuchh bhī

Leave a Comment