Poet
zulmat aisi ki sujha.i nahin deta kuchh bhi
nuur itna ki dikha.i nahin deta kuchh bhi
ḳhamushi ki vo ḳhala lafz labon se gir jaa.en
shor itna ki suna.i nahin deta kuchh bhi
ek hamdard ne phir luuT li dil ki basti
dil vo ḳhugar ki duha.i nahin deta kuchh bhi
bar-sar-e-rah bhi gulzar khile hain kitne
dhun men manzil ki dikha.i nahin deta kuchh bhi
dasht se daulat-e-sayyal mili auron ko
ham ko juz abla-pa.i nahin deta kuchh bhi
Leave a Reply