zindagi zahr ka ik jaam hui jaati hai
kya se kya ye mai-e-gulfam hui jaati hai
kuchh gizari hai gham-e-ishq-o-mohabbat men hayat
kuchh supurd-e-gham-e-aiyyam hui jaati hai
phir kisi mard-e-barahim ka mohtaj hai dahr
phir vahi kasrat-e-asnam hui jaati hai
havas-e-sair-e-tamasha hai ki hoti nahin ḳhatm
zindagi hai ki subuk-gam hui jaati hai
jo kabhi ḳhaliq-e-hangama-e-tufan thi vo mauj
haif ḳhu-karda-e-aram hui jaati hai
sohbat-e-pir-e-mughan men ye khuli azmat-e-ishq
aql bhi durd-e-tah-e-jam hui jaati hai
tum jo aa.e ho to shakl-e-dar-o-divar hai aur
kitni rangin miri shaam hui jaati hai
Leave a Reply