Zindagi Ko Kar Gaya Jangal Koi

zindagī ko kar gayā jañgal koī

le gayā ḳhushiyoñ kā merī pal koī

dhañs rahā hai har qadam merā yahāñ

raah meñ darpesh hai daldal koī

koī kañkar pheñkne vaalā nahīñ

kaise phir ho jhiil meñ halchal koī

zindagī thī ek sahrā kī tarah

zindagī ko kar gayā jal-thal koī

hosh bhī apnā nahīñ rahtā mujhe

kar rahā kitnā ‘zafar’ pāgal koī

Leave a Comment