Zat Uski Koi Ajab Shai Hai

zaat us ki koi ajab shai hai

jis se sab vaqai ajab shai hai

vaqai ashiqi ajab shai hai

ashiqi vaqai ajab shai hai

jis ke dil ko lagi vahi jaane

jan-e-man dil-lagi ajab shai hai

is men hargiz nahin hai ja-e-sukhan

al-gharaz khamushi ajab shai hai

be-khudi gar ho khud to aa ke mile

ai khuda be-khudi ajab shai hai

us pe marta huun vaqt-e-bos-o-kanar

tera kahna na ji ajab shai hai

ek se tiis din nibah ki dost

ek se dosti ajab shai hai

munh pe kah dena aib aib hai ye

aib-poshi aji ajab shai hai

kya dhuan-dar shola-ru hai bana

uudi poshak bhi ajab shai hai

aarsi us se ahl-e-did ko hai

mat kaho aarsi ajab shai hai

sarv ko us ke qad se kya nisbat

munsifo rasti ajab shai hai

qibla-o-kaaba is ko samjhe hai

haram-e-shaikh-ji ajab shai hai

ek bosa na do na tiin na chaar

yaar ji munsifi ajab shai hai

hont hote hain vaqt-e-khanda juda

chup bhali khamushi ajab shai hai

Leave a Comment