Zara Maza Nahin Aaya Kalam Kar Ke Mujhe

zarā maza nahīñ aayā kalām kar ke mujhe

kisī ne rok liyā thā salām kar ke mujhe

maiñ is pe ḳhush huuñ mirā dost hai mirā afsar

vo mujh se chār-gunā ḳhush ġhulām kar ke mujhe

safar bhī ab ke garāñ hai bahut tabī.at par

sukūñ bhī pal ko nahīñ hai qayām kar ke mujhe

vo mujh se pūchh rahā thā vafā ke baare meñ

koī sila bhī milegā ye kaam kar ke mujhe

Leave a Comment