Zang-Alud Zaban Tak Pahunchi honTon Ki Miqraaz

zañg-ālūd zabāñ tak pahūñchī hoñToñ kī miqrāz

ḳhāmoshī kī jhiil meñ Duubī pasmāñda āvāz

kāġhaz par uljhāte rahiye shabdoñ kī zanjīr

aate aate aa jā.egā likhne kā andāz

haal kā mātam karte karte āñkheñ ḳhushk huiiñ

mustaqbil kī soch rahā hai maazī kā nabbāz

ḳhushiyoñ kī dhundlī tasvīreñ rone kī tamhīd

ashkoñ kī kaalī parchhā.īñ hañsne kā āġhāz

aao sūraj noch ke andhī āñkhoñ meñ bhar leñ

kab tak āḳhir chāTī jaa.e tārīkī kī bayāz

Leave a Comment