zamin lapetta hai asman sametta hai
kahan ki baat ko ye dil kahan sametta hai
husain rifaten taqsim karta hai ab bhi
yazid aaj bhi rusvaiyan sametta hai
vahin pe gardishen ruk sakti hain zamane ki
vo jast bharta hai aur par jahan sametta hai
use batana ki tum jab kahin bhi tutte ho
tumhari kirchiyan koi yahan sametta hai
kisi men ‘nadiya’ juz ishq itna zarf kahan
hai kaun bikhre dilon ko jo yaan sametta hai
Leave a Reply