Zakhm Dabe To Phir Naya Tir Chala Diya Karo

zakhm dabe to phir naya tiir chala diya karo

dosto apna lutf-e-khas yaad dila diya karo

ek ilaj-e-daimi hai to bara-e-tishnagi

pahle hi ghunt men agar zahr mila diya karo

shahr talab kare agar tum se ilaj-e-tiragi

sahab-e-ikhtiyar ho aag laga diya karo

maqtal-e-gham ki raunaqen khatm na hone paengi

koi to aa hi jaega roz sada diya karo

jazba-e-khak-parvari aur sukun paega

khaak karo hamen to phir khaak uda diya karo

Leave a Comment