ahmad-zafar

Yun Zamane Mein Mera Jism Bikhar Jaega

yuun zamane men mira jism bikhar jaega

mire anjam se har phuul nikhar jaega

jaam khali hai surahi se lahu bahta hai

aaj ki raat vo mahtab kidhar jaega

sail-e-girya miri ankhon se ye kah jaata hai

bastiyan roen to diya bhi utar jaega

to koi abr-e-guhar-bar samundar ke liye

dil ke sahra se jo chup-chap guzar jaega

aaj ye zulf-e-pareshan hai zamane ke liye

kal yahi daur kisi taur sanvar jaega

teri har baat pe mar jaata huun marta bhi nahin

ki miri maut men insan koi mar jaega

ashk moti se bikhar jaenge rahon men jahan

su-e-manzil bhi mira dida-e-tar jaega

main makin huun na makan shahr-e-mohabbat ka ‘zafar’

dil musafir na kisi ghair ke ghar jaega

More Poems

Leave a Comment