Poet
yuun to duniya bhi mujhe raas kahan aa.i hai
bazm men aate hi lagta hai ki tanha.i hai
sach to ye hai ki mujhe raas nahin aata kuchh
meri aadat se miri zindagi ukta.i hai
zehn men naam nahin chehra nahin hai koi
aaj ik ruuh ko ik ruuh ki yaad aa.i hai
vo mulaqat miri jaan kuchh ik pal ki sahi
us ki tasvir baḌe frame men banva.i hai
main ghazal kahte hue chand talak ho aa.i
asman men bhi miri sab se shanasa.i hai
Leave a Reply