Meena Kumari Naz
yuun teri rahguzar se divana-var guzre
kandhe pe apne rakh ke apna mazar guzre
baithe hain raste men dil ka khandar saja kar
shayad isi taraf se ik din bahar guzre
dar-o-rasan se dil tak sab raste adhure
jo ek baar guzre vo bar-bar guzre
bahti hui ye nadiya ghulte hue kinare
koi to paar utre koi to paar guzre
masjid ke zer-e-saya baithe to thak-thaka kar
bola har ik minara tujh se hazar guzre
qurban is nazar pe mariyam ki sadgi bhi
saae se jis nazar ke sau kirdgar guzre
tu ne bhi ham ko dekha ham ne bhi tujh ko dekha
tu dil hi haar guzra ham jaan haar guzre
Leave a Reply