aziiz maan miri hansmukh miri bahadur maan
tamam jauhar-e-fitrat jaga diye tu ne
mohabbat apne chaman se gulon se kharon se
mohabbaton ke khazane luta diye tu ne
bana bana ke mitae gae nuqush-e-amal
tire baghair mukammal na ho saki tasvir
vo khvab jhansi ki raani ko jis ne chaunkaya
tira gihad-e-musalsal usi ki hai taabir
use hayat ka sola singar kahte hain
tiri jabin pe hain kuchh silvaten bhi tiika bhi
nazar men jazb-e-yaqin dil men soz-e-azadi
dahakta phuul bhi hai tu mahakta shoala bhi
zara zamin ko mehvar pe ghuum lene de
samaj tujh se tira soz-o-saz mangegi
jamal sikhega khud-e’timadiyan tujh se
hayat-e-nau tire dil ka gudaz mangegi
Leave a Reply