yuun shor-o-shar ke saare talabgar so ga.e
sannaTe chiḳhne lage bazar so ga.e
palkon pe bojh ban ga.iin jab din ki raunaqen
ankhon men bhar ke ḳhvab giran-bar so ga.e
divar-o-dar bhi apni marammat se tang the
gir jaa.e ab makan ki me.amar so ga.e
suraj ke saath tu bhi lahu ro ke Duub ja
ai sham-e-hijr tere parastar so ga.e
‘ash.har’ kisi ke qurb-e-havasnak se gharaz
apna bhi dil tha bhinch ke ik baar so ga.e
Leave a Reply