Sufi

Yun Sang-dil Hayat Se Ahd-O-Wafa Kiya

yuun sang-dil hayat se ahd-o-vafa kiya

divar darmiyan thi magar ḳhud ko va kiya

miTTi ka rang-o-nur se rishta qadim tha

har baar zindagi ne naya tajraba kiya

the dastaras men yuun to sab asrar-e-kaenat

is umr-e-bevafa ne magar na-rasa kiya

har ajnabi maqam se tanha guzar gae

apna hi naqsh-e-pa tha jise rahnuma kiya

chamka diya lahu ne dil-e-tira-jism ko

ik sail-e-nur tha ki ragon men baha kiya

danista luT gaya ye saman-zar dekhna

phulon ne nik.haton ko sipurd-e-saba kiya

ye raat raushni ki tamanna men bujh gai

dil ko ye kis shikast ne be-mudda.a kiya

yuun to jahan tamam hai tufan-e-rang-o-nur

kis abshar ne hamen rangin-nava kiya

More Poems

Leave a Comment