Ameeq Hanafi
yuun hua hai chaak malbus-e-yaqin silta nahin
phenk dena bhi hai mushkil dusra milta nahin
ḳhvab jo dekhe na the un ki saza to mil ga.i
barha dekha jinhen un ka sila milta nahin
chal rahi hai saans ki andhi uḌa jaata hai dil
aas ka patta hai aisa Daal se hilta nahin
meri himmat dekhiye is dasht men leta huun saans
naqsh-e-pa-e-bad bhi jis dasht men milta nahin
Leave a Reply