yuun badalti hai kahin barq-o-sharar ki surat
qabil-e-did hui hai gul-e-tar ki surat
zulf ki aaḌ men thi jan-e-nazar ki surat
raat guzri to nazar aai sahar ki surat
un ke lab par hai tabassum miri ankhon men surur
kya dikhai hai duaon ne asar ki surat
qafile vaalo nae qafila-salar aae
ab badal jaegi andaz-e-safar ki surat
kya karishma hai mire jazba-e-azadi ka
thi jo divar kabhi ab hai vo dar ki surat
ab koi hausla-afza-e-hunar hai ‘aḳhtar’
ab nazar aaegi arbab-e-hunar ki surat
Leave a Reply