ye umr bhar ka safar hai isi sahare par
ki vo khaḌa hai abhi dusre kinare par
andhera hijr ki vahshat ka raqs karta hai
tamam raat miri aankh ke sitare par
hava-e-sham tire saath ham bhi jhumte hain
kisi ḳhayal kisi rang ke ishare par
kisi ki yaad sata.e to ja ke rakh aana
mahakte phuul kisi aabju ke dhare par
ufuq ke paar azal se ik aag raushan hai
ye saara khel hai us aag ke sharare par
Leave a Reply