Ye Saneha Tha Mulaqat Aur Baqi Hai

ye sāneha thā mulāqāt aur baaqī hai

Thahar bhī jaao ki kuchh raat aur baaqī hai

fasāna-e-shab-e-hastī to kah chuke lekin

ye rañj hai ki koī baat aur baaqī hai

isī umiid meñ lau de rahī hai sham-e-hayāt

sulag bhī jaa.e to barsāt aur baaqī hai

fanā ke naam pe labbaik kah chuke varna

vajūd-e-kashmakash-e-zāt aur baaqī hai

tū mujh ko bhuul bhī jā ye magar ḳhayāl rahe

ki kuchh dinoñ to tirā saat aur baaqī hai

Leave a Comment