Alok Yadav
ye raste ye nazare bahar ka aalam
tire baghair dil-e-be-qarar ka aalam
dhaḌak uThe hai tira zikr bhi agar aa.e
ye mire dil pe tire iḳhtiyar ka aalam
tujhe ḳhayal bhi aa.e na duur jaane ka
jo dekh le tu mire intizar ka aalam
hasad na ho jo raqibon ke saath bhi dekhun
tiri vafa pe mire e’tibar ka aalam
kabhi to aa.e rulane mujhe koi ‘alok’
kabhi to ho mire dil men qarar ka aalam
Leave a Reply