Ye Mohabbat Agar Zarurat Hai

ye mohabbat agar zarūrat hai

ye zarūrat bhī to mohabbat hai

merā bhī dil nahīñ thā rukne kā

us ne bhī kah diyā ijāzat hai

shā.iroñ kī nazar se mat dekho

duniyā dar-asl ḳhūbsūrat hai

tum mujhe chhoḌ kar chale jaao

merī qurbat agar musībat hai

lauT aayā mirā akelā-pan

ab kisī kī kahāñ zarūrat hai

‘aks’ behad nasīb vaale ho

tum ko marne kī bhī suhūlat hai

Leave a Comment