ye mat samajhna faqir huun main
ana ke haq men kasir huun main
mujhe sitara samajhne valon
falak pe badr-e-munir huun main
hai munsifi mere dam se qaa.em
adalaton ki mushir huun main
hai mujh men zanjir chahaton ki
mohabbaton ki asiir huun main
haqiqaten mujh men ḳhema-zan hain
sadaqaton ki safir huun main
kahan ga.i ishq ki vo shiddat
na tu vo ranjha na hiir huun main
kahan raha tirgi ka aalam
azal se raushan-zamir huun main
saja hai sheron men dard ‘mina’
ghazal ke lahje ki ‘mir’ huun main
Leave a Reply