ye kya kaha ki gham-e-ishq nagavar hua
mujhe tu jur.a-e-talḳh aur sazgar hua
sarishk-e-shauq ka vo ek qatra-e-nachiz
uchhalna tha ki ik bahar-e-be-kanar hua
ada-e-ishq ki tasvir khinch ga.i puuri
vufur-e-josh se yuun husn be-qarar hua
bahut latif ishare the chashm-e-saqi ke
na main hua kabhi be-ḳhud na hushyar hua
liye phiri nigah-e-shauq saare aalam men
bahut hi jalva-e-husn aaj be-qarar hua
jahan bhi meri nigahon se ho chala madum
are baḌa ghazab ai chashm sehr-kar hua
miri nigahon ne jhuk jhuk ke kar diye sajde
jahan jahan se taqaza-e-husn-e-yar hua
Leave a Reply