Ye Kya Kaha Ki Gham-E-Ishq Nagawar Hua

ye kyā kahā ki ġham-e-ishq nāgavār huā

mujhe tū jur.a-e-talḳh aur sāzgār huā

sarishk-e-shauq kā vo ek qatra-e-nāchīz

uchhālnā thā ki ik bahar-e-be-kanār huā

adā-e-ishq kī tasvīr khiñch ga.ī puurī

vufūr-e-josh se yuuñ husn be-qarār huā

bahut latīf ishāre the chashm-e-sāqī ke

na maiñ huā kabhī be-ḳhud na hushyār huā

liye phirī nigah-e-shauq saare aalam meñ

bahut hī jalva-e-husn aaj be-qarār huā

jahāñ bhī merī nigāhoñ se ho chalā mādūm

are baḌā ġhazab ai chashm sehr-kār huā

mirī nigāhoñ ne jhuk jhuk ke kar diye sajde

jahāñ jahāñ se taqāzā-e-husn-e-yār huā

Leave a Comment