Shahryar
ye kya hua ki tabi.at sambhalti jaati hai
tire baghair bhi ye raat Dhalti jaati hai
us ik ufuq pe abhi tak hai e’tibar mujhe
magar nigah-e-manazir badalti jaati hai
chahar samt se ghera hai tez andhi ne
kisi charagh ki lau phir bhi jalti jaati hai
main apne jism ki sargoshiyon ko sunta huun
tire visal ki saa.at nikalti jaati hai
ye dekho aa ga.i mere zaval ki manzil
main ruk gaya miri parchha.in chalti jaati hai
Leave a Reply