Sardar Khan Soz
ye koi baat hui mil ke juda ho jaana
kaash aa.e tumhen paband-e-vafa ho jaana
is tasavvur hi se dil kaanp raha hai mera
mere mahbub ka aur mujh se juda ho jaana
ye sar-e-arsh-e-mua.alla bhi pahunch jaa.e to kya
nahin mumkin kabhi insan ka ḳhuda ho jaana
ahl-e-mahfil ne to samjha tha haqiqat is ko
ik dikhava tha tira mujh se ḳhafa ho jaana
aarzu hai miri taqdir men likkha hota
rahguzar men tiri naqsh-e-kaf-e-pa ho jaana
hasil-e-umr-e-ravan is ke siva kuchh bhi nahin
‘soz’ us jan-e-tamanna pe fida jaana
Leave a Reply