abid-malik

Ye Kar-e-Khair Hai Isko Na Kar-e-Bad Samho

ye kar-e-khair hai is ko na kar-e-bad samho

mujhe tabah karo aur ise madad samho

main is kahani men tarmim kar ke laaya huun

jo tum ko pahle sunai thi mustarad samho

mujhe khuda se nahin hai koi gila lekin

tum aadmi ho to phir aadmi ki had samho

ye sirf ped nahin hai sadi ka qissa hai

ye jo bhi baat kare us ko mustanad samho

yahan kisi ne bhi aindagan nahin dekhe

so jo guzar chuke ho vahi abad samho

More Poems

Leave a Comment