Shan Bharti
ye jin par chal rahe hain ahl-e-jada
hai mere naqsh-e-pa se istifada
tumhari jeb men lutf-e-yaqin hai
mire kashkol men hai sirf va.ada
vo chahe jab hamen izn-e-safar de
kiye baiThe hain ham pakka irada
ijazat ho to tera naam likh duun
kitab-e-dil ka ik saf.ha hai saada
ghazal-ḳhvan ho raha hai vo ki jo hai
ghazal ki saltanat ka shahzada
mulaqat un se ho jaati hai jab ham
nikal paḌte hain ghar se be-irada
vahi pir-e-suḳhan hai ‘shan’ jis ka
koi shajara na koi ḳhanvada
Leave a Reply