ye hadsa bhi tire shahr men hua hoga
tamam shahr mujhe DhunDhta phira hoga
main is ḳhayal se aksar udaas rahta huun
koi juda.i ki sadiyan guzarta hoga
chalo ki shahr ki saḌken kahin na so jaa.en
ab is ujaaḌ haveli men kya rakha hoga
tumhari bazm se nikle to ham ne ye socha
zamin se chand talak kitna fasla hoga
zara si der ko sone se fa.eda ‘azar’
tumhen to roz isi tarah jagna hoga
Leave a Reply