ye dastan-e-gham-e-dil kahan kahi jaae
yahan to khul ke koi baat bhi na ki jaae
tumhare haath sahi faisla magar phir bhi
zara asiir ki rudad to suni jaae
ye raat din ka tadapna bhi kya qayamat hai
jo tum nahin to tumhara khayal bhi jaae
ab is se badh ke bhala aur kya sitam hoga
zaban khul na sake aankh dekhti jaae
ye chaak chaak gareban nahin hai divane
jise bas ek chhalakti nazar hi si jaae
koi sabil ki ye sehr-e-jan-gusil tuute
koi ilaaj ki ye daur-e-bebasi jaae
Leave a Reply