abu-mohammad-wasil-bahraichi

Ye Bandagi Ka Sada Ab Saman Rahe Na Rahe

ye bandagi ka sada ab saman rahe na rahe

sar-e-niyaz jhuke astan rahe na rahe

tire khayal men main huun mire khayal men tu

mire baghair tiri dastan rahe na rahe

kise khabar hai ki har gham men hai khushi pinhan

gham-e-habib salamat ye jaan rahe na rahe

nigah khamosh takallum ki razdan hogi

huzur-e-dost ye goya zaban rahe na rahe

hamari laash gulistan men dafn kar sayyad

chaman se duur koi nauha-khvan rahe na rahe

vo mujh se is liye kahte hain apne raaz ki baat

ki mere baad koi razdan rahe na rahe

sada unhon ne anal-haq ki is liye di thi

sada dahan men tumhari zaban rahe na rahe

main aaj is liye karta huun ehtiram apna

hamesha khud pe tumhara guman rahe na rahe

usi ke ishq men mit kar ke ho gae ‘vasil’

sabat usi ko hai apna nishan rahe na rahe

More Poems

Leave a Comment