ye baat dasht-e-vafa ki nahin chaman ki hai
chaman ki baat bhi zaḳhmon ke pairahan ki hai
hava-e-shahr bahut ajnabi sahi lekin
ye us men bu-e-vafa teri anjuman ki hai
main but-tarash huun patthar se kaam hai mujh ko
magar ye tarz-e-ada tere bankpan ki hai
lapak to sho.ala ki fitrat hai phir bhi kya kiije
ki is men phuul si rangat tere badan ki hai
ye meri vadi-e-jan nag-phan ka jangal hai
ye ḳhushbuon ki rida shaḳh-e-yasman ki hai
mere junun ki saza sangsar hona hai
lahu lahu ye qaba kyuun nigar-e-fan ki hai
ye dil to sho.ala-e-afsurda hai magar ‘tanvir’
miri ragon men tapish garmi-e-suḳhan ki hai
Leave a Reply