Ye Ajuba to Ho Nahin Sakta

ye ajūba to ho nahīñ saktā

sab kuchh achchhā to ho nahīñ saktā

jis pe aatā hai us pe aatā hai

dil sabhī kā to ho nahīñ saktā

chaah ko taak par rakheñ kab tak

yuuñ guzāra to ho nahīñ saktā

aur kuchh rāsta nahīñ varna

ġham gavāra to ho nahīñ saktā

ab se bas muskurā ke dekheñge

tum se jhagḌā to ho nahīñ saktā

saath meñ hogī is ke rusvā.ī

ishq tanhā to ho nahīñ saktā

Leave a Comment