yarab diya hai husn to ye bhi kamal de
main hans paḌun to phuul bhi ḳhushbu uchhal de
andaz meri pyaas ka janega koi kya
chahun to ik pahaḌ bhi chashma nikal de
hasti to nisti men badal ja.egi magar
iman mujh ko mere ḳhuda la-zaval de
shayad vo mere fan ko samajhne laga hai ab
varna vo aisa kab tha ki aansu nikal de
kaisa ajiib dost hai jab bhi milun use
mere hi samne mujhe meri misal de
main mangti huun tujh se dua ai mire ḳhuda
jab bhi qalam uTha.un anokha ḳhayal de
‘zaryab’ to bashar hai magar bas karam ki baat
rag rag men tu hi thoḌa sa jah-o-jalal de
Leave a Reply