Yar Ne Is Dil-E-Nachiz Ko Behtar Jaana

yaar ne is dil-e-nachiz ko behtar jaana

daagh ko phuul to qatre ko samundar jaana

kat gae dekhte hi ham to tiri chashm-e-ghazab

jumbish-e-abru-e-khamdar ko khanjar jaana

sach hai yaksan hai adam aur vajud-e-duniya

aise hone ko na hone ke barabar jaana

aankh ham bada-kashon se na mila ai jamshed

apne chullu ko tire jaam se badh kar jaana

kab zamane men hai mohtaj-e-makan khana-kharab

ho gai dil men kisi ke jo jagah ghar jaana

samjhe ‘jauhar’ ko bura us ki shikayat kya hai

vahi achchha hai jise aap ne behtar jaana

Leave a Comment