poet

Yar Ko Mahrum-E-Tamasha Kiya

yaar ko mahrum-e-tamasha kiya

marg-e-mufajat ne ye kya kiya

aap jo hanste rahe shab bazm men

jaan ko dushman ki main roya kiya

arz-e-tamanna se raha be-qarar

shab vo mujhe main use chheda kiya

sard hua dil vo hai ghairon se garm

shole ne ulta mujhe thanDa kiya

mehr-e-qamar ka hai ab un ko guman

ah-e-falak-sair ne ye kya kiya

un ko mohabbat hi men shak pad gaya

Dar se jo shikva na adu ka kiya

dekhiye ab kaun mile khaak men

yaar ne gardun se kuchh iima kiya

hasrat-e-aghosh hai kyuun ham-kanar

ghair se kab us ne kinara kiya

chashm-e-inayat se bachi jaan mujhe

nargis-e-bimar ne achchha kiya

ghair hi ko chahenge ab ‘shefta’

kuchh to hai jo yaar ne aisa kiya

More Poems

Leave a Comment