yaqin ke vaste dil men guman ho
sharar ho ba.ad men pahle dhuan ho
mohabbat kamiyab-o-kamran hain
koi bachcha hamare darmiyan ho
ḳhamoshi raat se ghere hue hai
miri avaz ke panchhi kahan ho
pata pa kar vahi pahunchega us tak
jo pahle aab be-ghar be-nishan ho
nadi kyon jhiil men susta rahi hai
mile sagar se jo paani ravan ho
hamara pyaar ho bargad ki shaḳhen
baḌhe jo umr to dona javan ho
savalon ko to ḳhvabon se na bandho
tumhari zindagi bas dastan ho
Leave a Reply