Poet
yaad ke darichon men jhankta to hoga vo
raat bhar mire gham men jagta to hoga vo
ansuon ke sote jab ḳhushk ho ga.e honge
aankh men mujhe bhar ke dekhta to hoga vo
kho ga.i jo raton men us udaas surat ko
sub.h ke ujale men DhunDhta to hoga vo
naqsh-e-na-mukammal se but tarashta hoga
toḌ kar use phir se joḌta to hoga vo
ishq ki amanat ko dard ki diyanat ko
aql ke tarazu men tolta to hoga vo
Leave a Reply