vo zamānā na sahī itnā to de saktā thā
mujh ko ik dost mire jaisā to de saktā thā
dene vaale kā irāda na thā kuchh dene kā
varna dariyā na sahī qatra to de saktā thā
kyoñ nahīñ aane diyā bazm meñ us gūñge ko
vo hameñ lafz nahīñ lahja to de saktā thā
kaise afsos na ho laash na mil paane kā
maiñ use saañs nahīñ kāñdhā to de saktā thā
vo nahīñ chāhtā thā yādoñ se bechain rahūñ
varna jaate hue ik bosa to de saktā thā