vo raushni hai ki ankhon ko kuchh sujha.i na de
sukut vo ki dhamaka bhi ab suna.i na de
pahunch gaya huun zaman o makan ke malbe tak
miri ana mujhe ilzam-e-na-rasa.i na de
agar kahin hai to dil chiir kar dikha mujh ko
tu apni zaat ka irfan de ḳhuda.i na de
azal ke TuTte rishton ki is kashakash men
pukar aisi ada se mujhe suna.i na de
nikal chuka huun main apni kaman se aage
ta.alluqat-e-guzishta ki ab duha.i na de
Leave a Reply