vo raushni hai kahan jis ke ba.ad saaya nahin
kisi ne aaj talak ye suragh paaya nahin
kahan se la.un vo dil jo tira bura chahe
udu-e-jan tira dukh bhi koi paraya nahin
tiri sabahat-e-sad-rang men bikhar ja.un
abhi vo lamha miri zindagi men aaya nahin
tire vajud pe angḌa.i ban ke TuuTa hai
vo naghma jo kisi mutrib ne gungunaya nahin
na.i-naveli zaminon ki sondhi ḳhushbu men
vo chandni hai ki jis men koi nahaya nahin
ham ek fikr ke paikar hain ik ḳhayal ke phuul
tira vajud nahin hai to mera saaya nahin
vo baab jis men tavana.iyon ki ḳhushbu hai
fasana-saz ne ‘farigh’ kabhi sunaya nahin
Leave a Reply