akhtar-hoshiyarpuri

Wo Ratjaga Tha Ki Afsun-e-Khwab Tari Tha

vo ratjaga tha ki afsun-e-ḳhvab taari tha

diye ki lau pe sitaron ka raqs jaari tha

main us ko dekhta tha dam-ba-ḳhud tha hairan tha

kise ḳhabar vo kaḌa vaqt kitna bhari tha

guzarte vaqt ne kya kya na chara saazi ki

vagarna zaḳhm jo us ne diya tha kaari tha

dayar-e-jan men baḌi der men ye baat khuli

mira vajud hi ḳhud nang dost-dari tha

kise bata.un main apni nava ki ramz ‘aḳhtar’

ki harf jo nahin utre main un ka qaari tha

More Poems

Leave a Comment