Poet
vo kya din the jo qatil-bin dil-e-ranjur ro deta
mira har zaḳhm juun vo tegh hoti duur, ro deta
ajab Dhori-lagan meri ki thi us sham-e-sarkash ko
ki mera dekhta jab ijz vo maghrur ro deta
hamare shahr-e-dard-abad men lohu ke aansu se
vahan ka daar jab suuli diya mansur ro deta
misal-e-sub.h shabnam-rez jo suraj ka burqa hai
chhiḌakta jab vo mere dagh-e-dil par shuur ro deta
jo hoti vo palak-nashtar sahab-e-chashm ki rag par
mire sailab-e-ashk aage nadi ka puur ro deta
na nikla ghar se varna na.ash meri ḳhak-e-rah uupar
paḌi gar dekhta ‘uzlat’ vo rashk-e-hur ro deta
Leave a Reply