Akhtar Imam Rizvi
vo ḳhud to mar hi gaya tha mujhe bhi maar gaya
vo apne rog miri ruuh men utaar gaya
samundaron ki ye shorish usi ka matam hai
jo ḳhud to duub gaya mauj ko ubhar gaya
hava ke zaḳhm khule the udaas chehre par
ḳhizan ke shahar se koTi to pur-bahar gaya
andheri raat ki parchhaiyon men duub gaya
sahar ki khoj men jo bhi ufuq ke paar gaya
vo raushni ka musafir main tirgi ka dhuan
to phir bhala vo mujhe kis liye pukar gaya
men apne soch ke ham-zad ka pujari tha
tira jalal miri aqibat sanvar gaya
Leave a Reply