Wo Hue Sun Kar Pani Pani

vo hue sun kar paanī paanī

chheḌīñ jo ham ne bāteñ purānī

naġhma-e-qulqul nāla-e-bulbul

terā fasāna merī kahānī

terī jafā kā naqsha hai dozaḳh

terī adā kī hashr nishānī

ishq meñ kyūñ-kar chain ho hāsil

miltā nahīñ hai aag se paanī

ishq meñ ham ko haath ye aayā

baiThte uThte ashk-fishānī

ishq meñ ‘sā.ib’ jaan gañvā.ī

ham ne kisī kī ek na maanī

Leave a Comment