vo hamen kaise bhala ahl-e-vafa manega
ḳhud pe nazan hai adaon ka sila manega
be-yaqin hai ham agar us ke liye jaan bhi den
qabr ko sho.abada-bazon ka gaḌha manega
aql akbar hai to kya dil bhi hai shahzada-salim
ishq men kaun buzurgon ka kaha manega
pursish-e-hal nahin hai koi sahra ki tarah
kyuun na basti ko junun dasht-numa manega
jo bhi deta hai kisi aur se dilvata hai
har koi kaise bhala rab ki ata manega
Leave a Reply