vo dard-e-dil bhi nahin chashm-e-ḳhun-fishan bhi nahin
kabhi jo tha vo ab andaz-e-gulistan bhi nahin
ilaj-e-dard-e-mohabbat to kar nahin sakte
tumhare qabze men kya marg-e-na-gahan bhi nahin
vo is maqam se guzre hain dil ye kahta hai
jhuka hai sar ki jahan koi astan bhi nahin
isi chaman men ka.i baar sho.ale bhaḌke hain
miri nava ka koi ab mizaj-dan bhi nahin
sukut kitne marahil ke ba.ad aata hai
vo mutma.in hain mire lab pe ab fughan bhi nahin
ye aur baat qafas men guzar duun din-rat
mira maqam to varna ye gulistan bhi nahin
shab-e-firaq men andesha-e-sahar kaisa
ye vo zamin hai jahan koi asman bhi nahin
Leave a Reply