vo baat baat pe kahta hai bevafa mujh ko
sikha diya unhin baton ne bolna mujh ko
main apni zaat men gum ho gaya tha sab se duur
tiri nazar se mila hai mira pata mujh ko
haqiqaton se nazar kab talak chura.unga
ki baar baar dikhati hain aa.ina mujh ko
vo chahta tha ki main us ki ik jhalak dekhun
main sochta tha kahin se vo de sada mujh ko
bhula.e baiTha tha jis ko main ek muddat se
na jaane kaise vo phir yaad aa gaya mujh ko
mire ḳhilaf ‘qamar’ jaane kis ki sazish hai
banaya jaata hai har roz mas.ala mujh ko
Leave a Reply