vaqt sakin hai main guzar raha huun
main to is agahi se mar raha huun
bol kar jo mujhe daba raha hai
us ki avaz se ubhar raha huun
aaina mujh ko dekh kar chup hai
jaane main kis se baat kar raha huun
main ye samjha tha vo thahar raha hai
ve ye samjha tha main thahar raha huun
ik parinda banaya kaghaz par
aur ab us ke par katar raha huun
us ne vaada nahin liya mujh se
aur kahta hai main mukar raha huun
teri tasvir na-mukammal hai
main abhi is men rang bhar raha huun
jo tujhe janta nahin ‘momin’
vo samajhta hai tujh se dar raha huun
Leave a Reply