Wajh-E-Qarar-O-Rahat-E-Dil-Zadagan Hai Tu Ki Main

Poet

vaj.h-e-qarar-o-rahat-e-dil-zadagan hai tu ki main

lafz-e-yaqin hai tu ki main harf-e-guman hai tu ki main

tera bhi astan vahi mera bhi ashiyan vahi

us ki sahar hai tu ki main us ki azaan hai tu ki main

jis ki tarash ke liye ḳhud ko lahu lahu kiya

ab usi rahguzar ka sang-e-giran hai tu ki main

apni ḳhabar se be-ḳhabar apni hi zaat se mafar

apni hi dastan ka ik harf-e-ziyan hai tu ki main

jis ki nazar men ḳhaar hai arz-e-vatan ki aabru

us ka hadaf hai tu ki main us ki kaman hai tu ki main