aftab-iqbal-shamim

Waise To Bahut Dhoya Gaya Ghar Ka Andhera

vaise to bahut dhoya gaya ghar ka andhera

nikla nahin divar ke andar ka andhera

kuchh ruashni-e-taba zaruri hai vagarna

hathon men utar aata hai ye sar ka andhera

vo hukm ki hai aql-o-aqide pe muqaddam

chhutne hi nahin deta muqaddar ka andhera

kya kya na abul-haul tarashe gae us se

jaise ye andhera bhi ho patthar ka andhera

deti hai yahi vaqt ki tauret gavahi

zar ka jo ujala hai vo hai zar ka andhera

har aankh lagi hai ufuq-e-dar ki janib

suraj se kiran mangta hai Dar ka andhera

More Poems

Leave a Comment